كيف تجعلينه يبحث عن شريكة جديدة و أنت لا تشعرين ؟

إن المرأة التي تتنازل عن ملاطفة زوجها لها و تقول له ((كبرنا هالحركات)) يعتقد أنك تعنين نفسك فقط فكأنك تؤكدين له تنازلك الكامل عن حقك في عواطفه الشابة و قد يفرح بتنازلك غير المباشر و يعتبره إذنا ليبحث عن شريكة جديدة و قد تكون أكبر منك سنا, إلا أنها متفرغة و متلهفة لإستقبال الحب و المشاعر الدافئة .

فعلا الرياييل مايصدقون على طول يدورون غيرج بعد هالمرة تقولين لهم كبرنا على هالحركات واويلاه رحتي فيها الثانيه على راسج على طول

يعطيج العافيه اختي على الموضوع

ربما المرأة بحد ذاتها ملت من اسلوب الرجل
مثل ما ان الرجل يحب التغيير حتى المرأة تحبه يكون دائما متجدد
دائما الناس يلقون هذا الشي على عاتق المرأة
ويقولون ليش حريمنا انحرفو وليش ما يحبون حركاتنا
الموضوع بكل بساطة يحتاج مبادرة من الرجل مو بس من المرأة
الانثى بحد ذاتها انسانة مثلها مثل الرجل تحب التغيير وتجديد في
الحركات والاسلوب والشكل واللبس ليش الرياييل ما يسوون هذا الشي
كل رجل مثل ما يطلب من زوجته المفروض انه اهو يسوي من نفسه
مو بس يطلب ويطلب ويطلب والمرأة عليها التنفيذ والطاعة
يا اخوان طلبو من نفسكم مثل ما تطلبون من زوجاتكم
تزينو وتعطرو وكشخو وصدقوني ما تلاقون الحريم يقولون كبرنا على هالسوالف

نتمنى ان يطبق الرجال هذا الكلام

موضوع جميل وآنه رايي من راي دمعة الم
بس حتى لو
الحرمه اهتمت وحطت وسوت وودت تظل في عين الرجل مقصره اشلون راح يتزوج وحده ثانيه واهي مو مقصره
مادام هو يبيتزوج لازم اتكون الحرمه بعينه مقصره واذا هون عن الزواج اطلاقا راح اتصير بعينه كامله